Бириккен Улуттар Уюму Сирияда убактылуу орган жана мыйзам чыгаруу парламентинин түзүлүшүн өлкөнүн өткөөл процессидеги чукул артыкчылыктарын каарп чыгуу үчүн ташталган “маанилүү кадам” деп мүнөздөдү.
БУУнун катчысы Стефан Дужаррик маалымат жыйынында журналисттерге берген маалыматында БУУнун атайын өкүлүнүн кеңсеси "кечээ өткөрүлгөн кыйыр шайлоого көңүл бурганын" айтты.
"Биз, албетте, расмий жыйынтыктардын жарыяланышы жана жыйындын калган орундарын толтуруу үчүн президенттик дайындоолор боюнча абалды көзөмөлдөйбүз," - деди.
Стефан Дужаррик: «БУУнун атайын өкүлү жалпысынан шайлоо процессине катышкан жок. Бизден шайлоодо эч кандай жардам талап кылынган жок”,- деди.
«Бирок өткөөл органды жана убактылуу мыйзам чыгаруу парламентинин түзүлүшү өткөөл процессиндеги чукул укуктук жана институционалдык артыкчылыктарды чечүүдө маанилүү кадам болуп саналат», - деди Дужаррик.
“Биздин атайын өкүлчүлүк өткөөл мезгилде Элдик парламенттин ишин ачык, так жана инклюзивдүү жүргүзүүнүн маанисин баса белгилеп жатат",- деп кошумчалады.
Дужаррик Сирия коомунун бардык компоненттеринин камтылышын камсыз кылуу үчүн азыр да "олуттуу күч-аракеттер талап кылынат" деп билдирди.
Жекшемби күнкү Сирияда болгон кыйыр шайлоо Асад режими кулагандан бери алгачкы шайлоо болду. Жалпы өлкөдө шайлоо мекемелеринен тандалган 6 миңге жакын шайлоочу 210 орундуу парламенттин үчтөн экисин шайлоо үчүн добуш берди.
Жаңы өткөөл системанын негизинде 140 орун бул кыйыр добуштар аркылуу белгиленди; калган 70 мүчө президент тарабынан чыгарылган жарлык менен дайындалат.
