Вице-президент Йылмаз Кыргызстандын Министрлер Кабинетинин төрагасынын орун басарын кабыл алды
Вице-президент Жевдет Йылмаз Кыргыз Республикасынын Министрлер Кабинетинин төрагасынын орун басары Эдил Байсаловду жана аны коштоп келген делегацияны кабыл алды.
Президенттик комплекстеги жолугушуу тууралуу NSosyal социалдык медиа баракчасына жазган билдирүүсүндө Йылмаз төмөнкүлөрдү белгиледи:
«Эки тараптуу карым-катнаштарыбыз жана аймактык өнүгүүлөр менен катар ар тараптуу кеңири стратегиялык өнөктөштүгүбүздүн алкагында соодадан баштап инвестицияларга чейин, билим берүүдөн маданиятка чейин, саламаттыкты сактоо жаатындагы кызматташуудан Түрк Мамлекеттер Уюмунун (TМУ) алкагындагы биргелешкен аракеттерибизге чейин мамилелерибиздин кеңири чөйрөсүн бааладык.
Мен Кыргызстандын түрк дүйнөсүнүн биримдигине жана тилектештигине негизделген TМУнун ишине кошкон конструктивдүү салымын жогору баалайм жана эл аралык платформалардагы тыгыз кызматташтыгыбыздын эң сонун үлгүсү болгон COP31 талапкерлигибизди колдогону үчүн Байсалов мырзага жана Кыргыз өкмөтүнө ыраазычылык билдирем».