Россиянын жеке аскердик компаниясы Вагнер Батыш Африка өлкөсү болгон Малиден үч жылдан ашуун убакытка созулган операцияларын токтотуп өлкөдөн чыккандыгын жарыялады.

ТОо жума күнү: “Биз жергиликтүү патриотторго өз жерин коргой алган күчтүү жана тартиптүү армия түзүүгө жардам бердик. Бардык аймактык борборлор мыйзамдуу бийликтин көзөмөлүнө кайтарылды,” – деп билдирди.

“Көптөгөн жылдар тургундарды коркутуп келген миңдеген согушкерлерди жана алардын командирлерин жок кылдык,” – деп кошумчалашты.

Сахел аймагындагы Мали 2012-жылдан бери козголоңдордон жабыркап келет.

Россиянын Африка корпусу Вагнердин ордуна келет

Өлкөдөгү аскердик хунта Франция жана башка өнөктөштөр менен байланыштарын үзгөндөн кийин Россиядан жардам талап кылган.

Малидеги аскердик хунта Франция жана башка өнөктөштөрү менен карым - катнашын үзгөндөн кийин Россиядан колдоо талап кылган.

Вагнердин билдирүүсүнө карабастан, Россия Батыш Африкадагы бул өлкөдө болууну улантарын жана мамлекеттин көзөмөлүндөгү жарым аскерлештирилген күчү болгон Африка Корпсунун ишке кирери белгиленди.

Аскердик башкаруу астындагы үч өлкө – Мали, Буркина-Фасо жана Нигер ушул жылдын башында Батыш Африка аймактык блогу ЭКОВАСтан расмий түрдө чыгып кетишти.

Бул өлкөлөр Сахел мамлекеттеринин альянсы деген ат менен өз блогун түзүштү.