Филиппиндин түштүгүндө мектептеги куралдуу кол салууда төрт адам каза болуп, тогуз адам жаракат алды.
Улуттук Тергөө Бюросу (NBI) берген маалыматта өлкөнүн түштүгүндөгү Замбоанга шаарындагы мектепте сабактар башталганга чейин куралдуу кол салуу болгондугу маалымдалды.
Билдирүүдө мектепке тапанча менен кирген кол салуучунун жогорку класстын окуучусу экени божолдонгону белгиленди.
Алгачкы маалыматтарга караганда, эки окуучу жана эки күзөтчү каза болуп, тогуз адам жаракат алган. Кол салуунун себебин аныктоо жана мектептеги коопсуздук кемчиликтерин аныктоо үчүн тергөө иши башталды.
Филиппиндин мамлекет башчысы Фердинанд Маркос коопсуздук күчтөрүнө кол салуу боюнча кеңири иликтөө жүргүзүүгө буйрук берди.
Маркос бийликтен мектептер жана жергиликтүү жамааттар менен биргеликте окуучулардын коопсуздугун камсыз кылуучу чараларды күчөтүүнү талап кылды.
Өлкөдө июнь айында да Сан-Хосе улуттук лицейине куралдуу кол салуу болуп, окуяда 3 окуучу каза таап, 5 окуучу жаракат алган. Полиция кол салууга катыштыгы бар шектүүлөрдүн бири ошол эле мектептин окуучусу экенин билдирген.
