Түркиянын транспорт жана инфраструктура министринин орун басары жума күнү пландалган 5G жыштыгы тендеринин жана андан кийинки толук камтуу фазасынын түрк экономикасына 100 миллиард доллар салым кошору жана 2030-жылга чейин 1,5 миллион жаңы жумуш орундарын түзүшү күтүлүп жаткандыгын айтты.
Өмөр Фатих Саян, түрк социалдык медиа платформасы NSosyal'да: "Түркия Улуу Улуттук Парламентинин жаңы мыйзам чыгаруу жылына 5G технологиясы менен кадам ташташы, санариптик трансформация сапарындагы чечкиндүүлүктүн конкреттүү далили болуп саналат", - деп жазды.
Саян парламенттин колдоосу астында башталган пилоттук программаны "бүт өлкөгө багытталган жогорку ылдамдыктагы байланыш көз карашынын жол башчысы" деп мүнөздөдү.
Министрдин орун басары: «Бул кадам бир гана технологиялык өнүгүү эмес, Улуттук технология демилгесинин жана Түрк кылымынын эң маанилүү колдоочуларынын бири»,-деди.
Саян негизги максаттарынын түрк улутунун ар бир мүчөсүнүн экономикалык гүлдөп-өсүү, коопсуздукту жогорулатуу жана жогорку ылдамдыктагы байланыш алып келе турган сапаттуу саламаттыкты сактоо жана билим берүү мүмкүнчүлүктөрүнөн пайдалануу экенин белгилеп :«Биз Түркиянын санариптик келечегин коопсуз жана ачык-айкын түрдө, белгиленген улуттук стандарттар жана чечкиндүүлүк менен курууну улантабыз»,- деди.
Түркия келерки жылдын апрель айынан тарта 5G технологиясын толугу менен ишке ашырууну жана көптөгөн секторлордо трансформациялык өзгөрүүлөрдү баштоону пландаштырууда.
Түркиянын мобилдик сапары 1991-жылы 1G менен башталган, андан кийин 1994-жылы 2G, 2009-жылы 3G жана 2016-жылы 4.5G. 5G үчүн даярдыктар 2019-жылы башталып, азыр акыркы баскычта.
5G жайылтуу үчүн минималдуу жыштык көрсөткүчтөрү расмий түрдө ушул жылдын август айында жарыяланды. Жалпысынан 11 жыштык пакети үчүн минималдуу жыштык наркы 2,1 миллиард доллар деп белгиленди.
Түркиянын Маалыматтык технологиялар башкармалыгы (BTK) тарабынан даярдалган 5G тендер жарыясы президенттин 31-августтагы жарлыгы менен жарыяланды.
5G тесттик тиркемелери Түркиянын төрт ири футбол клубунун стадиондорунда, ИГА Стамбул аэропортунда, Түркия Улуу Улуттук Парламентинде жана өлкө боюнча 30га жакын башка объекттерде ишке ашырылды.
