Орусия жооп кайтаруу чараларынын алкагында Румыниянын Санкт-Петербургдагы башкы консулун персона нон грата деп жарыялап, шаардагы Румыниянын консулдук кеңсесин жапканын кабарлады.
Орусиянын Тышкы иштер министрлигинин билдирүүсүндө, Румыниянын Москвадагы элчиси Кристиан Истрате бейшемби күнү министрликке чакыртылып, чечим тууралуу маалымат берилгени айтылды.
Билдирүүдө: "25-июнда Румыниянын Орусия Федерациясындагы элчиси Кристиан Истрате Орусиянын Тышкы иштер министрлигине чакырылды. Ага Румыниянын Санкт-Петербургдагы башкы консулу персона нон грата деп жарыяланганын жана шаардагы Румыниянын консулдук кеңсесинин жабыларын билдирген нота берилди", - делди.
Министрлик бул чечим Бухаресттин Констанцадагы Орусиянын башкы консулдугунун иштөө лицензиясын жокко чыгарганына жана анын башкы дипломатын персона нон грата деп жарыялаганына жооп катары кабыл алынганын баса белгиледи.
Румыниянын Констанца шаарындагы Орусиянын Башкы консулдугу 2026-жылдын май айынын аягында Галац шаарындагы резиденцияга дрон кулап, эки адам жаракат алгандан кийин жабылган.
Бухарест өкмөтү бул окуя үчүн Орусияны күнөөлөп, Орусиянын Башкы консулу Андрей Косилинди персона нон грата деп жарыялап, шаардагы консулдукту жабуу чечимин кабыл алган.
Бирок Орусия айыптоолор негизсиз экенин жактап бул окуя дипломатиялык миссияны жабуу боюнча көптөн бери пландаштырылган аракет үчүн шылтоо катары колдонулуп жатканын айткан.
