Жергиликтүү бийликтин маалыматына караганда, мигранттарды ташыган ылдам жүрүүчү катер Грециянын Жээк күзөт кызматынын патрулдук кемеси менен кагышып, кеминде 14 адам каза тапты.

ЭРТ каналынын Грециянын Жээк күзөт кызматынын булактарына шилтеме жасап билдиргенине караганда, окуя шейшемби күнү кечинде Хиос аралындагы Мирсиниди жээгинин жанында болду. Кагышуудан кийин куткаруучу топтор деңизден 14 адамдын сөөгүн алып чыгышты.

Жаракат алган мигранттар, анын ичинде жети бала жана эки кош бойлуу аял ооруканаларга жеткирилди.

Кабарда бир аял кызматкердин мээси чайкалып, бир эркек кызматкердин болсо буттарынан жаракат алганы айтылды.

Андан тышкары төрт мигранттын абалы оор экени кабарланды.