Йеменде өкмөттүк күчтөр өлкөнүн түштүгүндөгү Таиз облусуна караштуу Эш-Шамайетейн районунда жайгашкан стратегикалык Кирфан тоосун хуситтерден кайра алгандарын маалымдады.
Йемен Куралдуу күчтөрүнүн маалымат борборуна караганда, Таиз багытындагы штаб башчысы генерал-майор Абдулазиз эл-Межиди өкмөттүк күчтөрдүн Кирфан тоосуна толук көзөмөл орнотконун билдирди.
Бени Өмер аймагындагы «элдик каршылык күчтөр» да колдоо көрсөткөн операцияда, хуситтер менен болгон кагылышуудан кийин тоону көзөмөлгө алгандарын айтты.
Кагылыштарда хуситтерден 5тен ашык киши өлгөнүн, болжол менен 20 киши жарадар болгонун билдирген Межиди, хуситтер аймактагы өкмөттүк бекеттерди миномёттор менен аткылап жатышканын кошумчалады.
Бул маселе боюнча хуситтерден азырынча расмий билдирүү жасала элек.
Кирфан тоосу стратегикалык мааниге ээ, анткени ал Эш-Шамайетейн менен Эл-Вазиийя райондорунун ортосундагы «Жердад-Бени Өмер» фронтунун тоолор системасында жайгашкан.
Чокуну көзөмөлдөө өкмөттүк күчтөргө аймакты байкоого жана атуунун диапазону аркылуу коопсуздукту камсыздоодо маанилүү артыкчылык берет.
