Израиль Бейрутка абадан сокку урду

Израиль армиясы Иран менен уланып жаткан согуштун алкагында Ливандын борбор шаары Бейрутту бутага алган абадан чабуул жасаганын маалымдады.

Армиянын жума күнү берген маалыматында кол салуулардын Бейруттагы “Хизбулла инфраструктурасын” бутага алганы билдирилди.

Ливандын маалымат каражаттары Израилдин согуштук учактарынын Бейруттун түштүгүндөгү Дахия аймагына катары менен сокку урганын кабарлады.

Чабуулдардан кийин бутага алынган аймактардан коюу түтүндүн көтөрүлгөнү байкалды.

Өзгөчө Израилдин түштүгүндөгү Сур шаарындагы портко дрондор менен чабуул жасап, бир кишинин каза болгону кабарланды.

Ливандын Улуттук маалымат агенттигинин билдирүүсүнө ылайык, Израил армиясы өлкөнүн чыгышындагы Батыш Бекаа аймагында жайгашкан Сохмор жана Машгара айылдарын туташтырган Литани дарыясынын үстүндөгү эки көпүрөнү талкалады.

Израиль 2-марттан бери Ливанга абадан сокку уруп, өлкөнүн түштүгүндө кургактагы аскердик операциясын улантууда.

Ливандын Саламаттыкты сактоо министрлигинин маалыматы боюнча 2-марттан бери 1 368 адам каза болду. 4 138 адам ар кандай жаракаттарды алды.

Ливан өкмөтү өлкө ичинде жер которууга мажбур болгон качкындардын саны 1 миллион 162 миңден ашканын расмий түрдө жарыялады.

Ливандын Саламаттык сактоо министрлиги 2-марттан бери Израилдин соккуларынан каза болгондордун саны 1 368ге, жарадарлар 4 138ге жеткенин билдирди.

Ливан өкмөтү өлкө ичиндеги жер которгон адамдардын саны 1 162 000ден ашканын да жарыялаган.