Орусия менен Украина ушул айдын башында Стамбулда жетишилген келишимге ылайык, Москва менен Киевдин ортосунда ири масштабдагы туткундарды алмаштыруунун үчүнчү жана акыркы айлампасын ырасташты.

Орусиянын Коргоо министрлиги жекшембиде Украинадан 303 орус аскерин кайтарып алганын, анын ордуна 303 украин аскери Киевге кайтып келгенин жарыялады.

Билдирүүдө айрыкча: «Учурда орусиялык жоокерлер Беларусь Республикасынын аймагында жайгашып, бул жерде керектүү психологиялык жана медициналык жардамдарды алып жатышат»делди. Ошондой эле аскерлердин дарылануулары жана реабилитациялары Орусияда улана турганы баса белгиленди.

Украинанын президенти Владимир Зеленский дагы X платформасындагы билдирүүсүндө алмашууну ырастады жана бул алмашууну ийгиликтүү ишке ашыруу үчүн күнү-түнү иштеген командага ыраазычылык билдирди.

Стамбул тынчтык сүйлөшүүлөрү

Зеленский: «Биз орус туткунунан ар бир жараныбызды сөзсүз кайтарабыз», - деп кошумчалады.

Түркия 16-майда Стамбулда Орусия менен Украина үч жылдан бери биринчи жолу түз жолугушкан сүйлөшүүлөрдү өткөрдү. Сүйлөшүүлөрдө эки өлкөдөн жалпы 1000 кишини камтыган туткундарды ар тараптуу алмашуу боюнча макулдашууга жетишилди жана тараптар ок атышууну токтотуу боюнча сүйлөшүүлөрдү улантышты. 

Келишимге ылайык, акыркы эки күндө эки тараптан тең 390 жана 307 туткун алмашылды.