Фон дер Ляйен жана Европа Биримдиги кеңешинин төрагасы Антониу Кошта Ереванда өткөн Европа Биримдиги-Армения саммитинен кийинки маалымат жыйынында сөз сүйлөштү.
Фон дер Ляйен "Келишим — келишим, биз келишимге түздүк",- деп АКШ менен түзүлгөн макулдашуунун негизги мазмуну жыргалчылык, биргелешкен эрежелер жана ишенимдүүлүк экенин белгиледи.
Фон дер Ляйен бул этапта эки тарап тең өзүнө тиешелүү ар түрдүү демократиялык процедураларга сый көрсөтүп, аталган макулдашууну жүзөгө ашырышы керектигин айтты.
Фон дер Ляйен Европа Биримдиги калган бажы милдеттенмелерин аткаруунун акыркы этабында экенин белгилеп, АКШ тараптын да макулдашылган айрым милдеттенмелерди аткара электигин айтты.
Фон дер Лайен: "Ошондуктан бул макулдашуудан өз ара пайда, кызматташтык жана ишенимдүүлүктү каалайбыз. Ар кандай сценарийге даярбыз." деди.
Европа Биримдиги кеңешинин төрагасы Кошта: «Соода маселесиндеги ыйгарым укуктар толугу менен Европа Биримдиги комиссиясына таандык. Жеке өзүм жана 27 мүчө-мамлекет Европа Биримдиги комиссиясынын жана анын төрагасынын ишин толук колдойбуз», — деген оюн ортого салды.
АКШ президенти Дональд Трамп жума күнү соода келишимин сактабагандыгы үчүн Европа Биримдигинде чыгарылган жеңил жана жүк ташуучу унааларга карата бажы алымдарын 25 пайызга чейин көтөрөрүн жарыялаган.
Европа Биримдиги менен АКШнын ортосундагы соода келиши тууралуу сүйлөшүүлөр 2025-жылдын июль айында Трампка таандык Шотландиядагы Тёрнберри гольф аянтчасында аяктаган.
Келишимдин алкагында Европа Биримдиги өлкөлөрү АКШ товарларына бажы тарифтерин колдонбоого макул болгон, ага жооп катары АКШ Европа Биримдигинин товарларына 15 пайыздык тариф колдоноору жарыяланган.
Европа Биримдигинин түзүлгөн келишимди ратификациялоо процессин бүтүрө электиги АКШнын нааразычылыгын жараткан.
