АКШнын президенти Дональд Трамп Израилдин премьер-министри Биньямин Нетаньяху менен түз байланыштарын токтотууну чечти. Бул тууралуу Израилдин Армия радиосу маалымдады.
Израилдин Армия радиосунун кабарчысы Янир Козин өзүнүн X аккаунтунда Трамптын мындай чечимди, жакын кесиптештери Израилдин стратегиялык иштер министри Рон Дермерге президенттин Нетаньяхунун аны манипуляция кылып жатканына ишенгенин айткан соң кабыл алганын жазды.
Израилдик бир жетекчи, Дермердин акыркы убактарда республикачыл партиянын жогорку даражалуу өкүлдөрү менен болгон сүйлөшүүлөрүндө Трамптын эмне кылышы керектиги жөнүндө айткан сөздөрү текебер жана жардамсыз деп бааланганын да кошумчалады.
Жетекчи Трамптын чөйрөсүндөгү адамдар ага “Нетаньяху аны манипуляциялап жатат” деп айтышканын билдирди.
"Трамптын эң жаман көргөн нерсеси – аны акылсыз же бирөөнүн оюнчугу катары көрсөтүү. Ошондуктан ал Нетаньяху менен байланыштарын токтотууну чечти", – деп кошумчалады аткаминер.
Козиндин айтымында, АКШ менен Израилдин ортосундагы мамилелердин начарлашына Израиль өкмөтүнүн Иран жана Йемендеги хуситтерге байланыштуу конкреттүү план жана мөөнөт көрсөтө албаганы себеп болгон.
Ошондой эле Армия радиосунун кабарчысы Нетаньяху өкмөтүнүн Газа темасында да так сунуш бере албаганын баса белгиледи.
