Пакистандын Куралдуу күчтөрү жекшемби күнү, Ооганстан чек арасына жакын жайгашкан Хайбер-Пахтунхва провинциясынын түндүк-батышындагы кагылышууда беш пакистандык жоокер каза болуп, 25 террорист жок кылынганын жарыялады.

Билдирүүдө жума жана ишемби күндөрү Пакистан-Ооганстан чек арасына жакын жайгашкан Түндүк Вазиристан жана Куррам аймактарында коопсуздук күчтөрү тарабынан эки ири террористтик топ аныкталып, таасирсиз кылынганы айтылды.

Түндүк Вазиристан аймагында төрт жанкечти менен кошо 15 террорист жок кылынганы, ал эми Куррам районунда чек арадан өтүүгө аракет кылган 10 террористтин таасирсиз кылынганы кабарланды.

Кагылышуулар учурунда беш пакистандык аскердин да каза тапканы билдирилди.

Ошондой эле жок кылынган террористтерден көп сандаган курал-жарак, ок-дары жана жардыргыч заттар колго түшүрүлгөнү маалымдалды.