13-июндан бери Израилдин Иранга жасаган чабуулдарынан кеминде 606 адам каза болуп, 5,332 адам жаракат алды.

Ирандын Саламаттыкты сактоо министрлиги шейшемби күнү курман болгондордун арасында аялдар жана балдардын бар экенин билдирди, бирок кошумча маалымат берген жок.

Израиль Тегеран ядролук бомба чыгаруунун босогосунда турганын айтып 13 - июндан бери Ирандагы аскердик жана ядролук объектилер да болгон түрдүү жерлерге абадан сокку урду. Иран болсо бул ырастоону четке какты.

Иран жооп иретинде ракета жана дрондор менен сокку урду, ал эми АКШ да жекшемби күнү Ирандын үч өзөктүк объектисин бомбалоо менен кагылышууга кошулду.

Тынчтык келишими

Аймактагы эки атаандаштын ортосунда 12 күндүк аба согушунан кийин, АКШнын президенти Дональд Трамп дүйшөмбү күнү Израиль менен Ирандын ортосундагы кагылышууну токтотуу үчүн ок атышпоо келишимин жарыялады.

Ок атышпоо келишими шейшемби күнү саат 04:00дө (GMT) күчүнө кирип, "12 күндүк согушту" токтотту.

Бирок Израилдин коргоо министри Исраэл Катц Ирандын шейшемби күнү ок атышпоо келишимин бузду деп ырастап, Израиль армиясына Тегеранга катуу чабуул жасоо буйругун берген. Иран бул дооматты четке кагып, мындан аркы чабуулдарга чечкиндүү жооп берерин билдирди.

Шейшемби күнү Трамп Израилге нааразычылыгын билдирип, Тель-Авив да, Тегерандын да ок атышпоо келишимин бузганын айтты.

Израилдин маалыматына караганда, Ирандын ракеталык чабуулдарынан кеминде 29 адам өлүп, жүздөгөн адам жарадар болгон.