Түркиянын биринчи сүзүп жүрүүчү жаратылыш газ өндүрүү платформасы Осман Гази ишемби күнү Кара деңиз жээгиндеги Зонгулдактагы Филос портуна келди.

Бул чоң платформа Стамбулдун каратылышынын 572 жылдыгы болгон 29 - майда Стамбулдагы президенттиктин Долмабахче кеңсесинен салтанаттуу түрдө узатылды. Иш-чарага Түркиянын президенти Режеп Таййип Эрдоган менен энергетика жана жаратылыш ресурстары министри катышты. Платформа Стамбул кысыгынан өтүп, өз багытына жетти.

Күндүн ичинде 10,5 миллион куб метр жаратылыш газын иштетүү жана 10 миллион куб метр газды өткөрүү мүмкүнчүлүгүнө ээ болгон бул платформа Кара деңиздеги жаратылыш газ өндүрүшүн эки эсеге көбөйтүп, күнүнө 20 миллион куб метрге жеткирмекчи.

Бул платформанын Түркиядагы болжол менен 8 миллион үй-бүлөнүн жаратылыш газ муктаждыгын камсыз кылары күтүлүүдө жана ал 20 жыл бою бул аянтта кызмат кылат.

Платформанын узундугу 298,5 метр, туурасы 56 метр жана тереңдиги 29,5 метр болуп, 140 кызматкер иштейт. Платформанын 2026-жылдын ортосуна чейин ишке кириши күтүлүүдө.