Шаршемби күнү Украинанын Днепропетровск облусунда жумушчуларды ташыган автобуска орусиялык учкучсуз учуучу аппараттын чабуулунан кеминде тогуз киши каза таап, ондогон адамдар жарадар болгонун билдирди.
Губернатор Сергий Лысак өлкөнүн түштүк-чыгышындагы Марганец шаарынан Telegram аркылуу «Душмандын чабуулу тогуз адамдын өмүрүн алды», - деп жазды.
«Жабыркагандардын саны тынымсыз өсүп жатат», - деп айткан губернатор, учурда алардын саны 30 экенин белгиледи.
Украин бийликтери ошондой эле Орусиянын чабуулдарынан кийин түн ичинде бир нече аймакта өрт чыкканын кабарлашты.
Кол салуулар Киев, Харьков, Полтава жана Одесса облустарында да катталган.
Орусияда Белгород облусунда артиллериялык аткылоодон бир кишинин жараланганы жарыяланды.
Кол салуулар АКШ, Украина жана Европа өлкөлөрүнүн өкүлдөрү шаршемби күнү Британияда үч жылдан ашуун убакыттан бери уланып келе жаткан жаңжалды токтотууга багытталган сүйлөшүүлөрдүн жаңы айлампасын өткөргөнү жаткан учурга туш келди.
