Россиянын президентинин экономика боюнча атайын өкүлү Кирилл Дмитриев Москва менен Вашингтондун Беринг кысыгынын астына тоннель куруу боюнча сүйлөшүүлөрдү баштаганын жарыялады.
Россиянын түз инвестициялык фондун (RDIF) да жетектеген Дмитриев жума күнү X платформасында: "Тоннель боюнча сүйлөшүүлөр башталды",- деди.
АКШнын президенти Дональд Трамп жума күнү Ак үйдө Украинанын президенти Владимир Зеленский менен өткөргөн жолугушууда Россия менен АКШны темир жол транспорту аркылуу байланыштырган Беринг кысыгындагы тоннель долбооруна кызыкдар экенин билдирди.
Дмитриев заманбап тоннелдин курулушун сегиз жылга жетпеген убакытта бүткөрүүгө болорун жана ага 8 миллиард доллардан аз каражат сарпталарын билдирди. Бул америкалык миллиардер Илон Маскка таандык The Boring Company компаниясынын технологияларынын жардамы менен мүмкүн болот.Бул көрсөткүч азыркы сметалык 65 миллиард доллардан бир топ төмөн.
Долбоорду “Путин-Трамп тоннели” деп атаган Дмитриев долбоордун ресурстарды биргелешип иштетүү, жумуш орундарын түзүү жана экономикалык өсүш потенциалын баса белгиледи.
Дмитриев РДИФтин Россия менен Кытайдын ортосунда буга чейин чек арадан өтүүчү темир жол көпүрөлөрүнүн курулушанда болгондой бул тууралуу да тажрыйбага ээ экендигин белгиледи.
