Ирактан жогорку деңгээлдеги делегация эки тараптуу коопсуздук маселелерин сүйлөшүү үчүн Сауд Арабиясына барганы билдирилди.

Ирактын расмий маалымат агенттиги INAнын кабарында: «Ирактан жогорку деңгээлдеги коопсуздук делегациясы бир катар коопсуздук маселелерди талкуулоо үчүн Сауд Арабиясына барды», — деп билдирилген.

Ирак делегациясына Куралдуу күчтөр командирлиги кеңсесинин директору, генерал-лейтенант Абдулемир аш-Шамри жетектеген Ирак делегациясынын курамында чалгындоо, абадан коргонуу жана терроризмге каршы күрөшүү агенттиктеринин кызматкерлери да бар.

Ирак менен Сауд Арабиясынын ортосундагы коопсуздук маселелери карала турганы баса белгиленген кабарда: «Эки тараптуу коопсуздук кызматташтыгы жана координацияны күчөтүүнүн жолдору каралат», — деп айтылды.

Сауд Арабиясы 28-июлда өлкөнүн чыгыш аймагындагы жана борбор шаар Эр-Рияддагы мунай объектилерин бутага алууга аракет кылган көп сандаган дрондун абадан коргонуу системалары тарабынан тоскоолдук учуратылганын билдирип, кол салуунун Ирактын территориясынан жана Иранды жактаган согушкер топтор тарабынан ишке ашырылгандыгы белгиленген.

Андан кийин АКШнын Борбордук Күчтөр Командирлиги АКШ жана Сауд Арабиясынын куралдуу күчтөрүнүн Ирактын чыгышында Иранды жактаган топторго таандык буталарга абадан кол салууларды жасаганын жарыялаган.