Түркия менен Кыргызстандын ортосундагы маданий жана көркөм кызматташтыкты чыңдоону максат кылган "Түркия-Кыргызстан түрк кино күндөрү" быйыл онунчу жолу Кыргызстандын борбору Бишкекте өтөт.

Түркиянын Маданият жана туризм министрлиги жана Кыргызстандын Маданият, маалымат жана жаштар саясаты министрлиги тарабынан колдоого алынган бул иш-чара 3-7-июнь күндөрүндө Кинематографиянын башкы дирекциясы, Кыргызстан Кинематография департаменти, Түркиянын Бишкектеги элчилиги жана Жергиликтүү ой жүгүртүү ассоциациясы менен биргеликте өтөт.

Фестивалдын алкагындагы бардык тасмаларды көрсөтүүлөр беш күн бою кыргыз коомчулугу үчүн акысыз болот.

Иш-чара университеттик баяндамаларды, продюсерлердин жана режиссёрлордун жолугушууларын, маданий турларды жана кино тармагындагы эл аралык кызматташтыкты өнүктүрүүгө багытталган тармактык иш-чараларды камтыйт.

Фестивалдын ачылыш галасы 3-июнь шаршемби күнү Бишкектеги "Ала-Тоо" кинотеатрында кинонун башкы директору Бирол Гүвендин катышуусунда өтөт.

Ачылышта "Мутлуюз Му" ("Биз бактылуубузбу?") тасмасы көрсөтүлөт. Салтанаттуу кечеге тасманын башкы ролун аткарган Ибрахим Бүйүкак, продюсер Хасан Корай Шахин, сценарийдин автору жана режиссеру Мурат Эмре Каман катышат.

Иш-чарага ошондой эле "Бак Постажы Гелиор" (“Почтачы келе жатат?”) тасмасынын башкы ролун ойногон Дениз Барут жана режиссер Юксел Аксу, "Бир Адам Йаратмак" (“Бир адам жаратуу”) тасмасынын режиссеру Мурат Чери, "Канто" тасмасынын режиссеру Энсар Аксой, ошондой эле көптөгөн продюсерлер, режиссёрлор, актёрлор жана кино тармагынын өкүлдөрү катышат.

Фестивалдын алкагында Бишкектеги кино ышкыбоздоруна «Мутлюз Му», «Бак Постажы Гелийор», «Бир Адам Йаратмак», «Канто» жана «Эфесин Сырры» (“Эфестин сыры”) тасмалары көрсөтүлөт.