Бириккен Улуттар Уюмунун Качкындар боюнча Жогорку Комиссарлыгы (UNHCR) Жакынкы Чыгыштагы кризисти чоң гуманитардык өзгөчө кырдаал деп жарыялап, кагылышуудан качкандар үчүн коопсуз өтүүнү талап кылды.
Бириккен Улуттар Уюмунун Качкындар боюнча Жогорку Комиссарлыгы ишемби күнү Израиль менен АКШнын Иранга карата чабуулдары менен башталган жана ал күндөн бери жайылып бараткан Жакынкы Чыгыш кризисинин азыртадан көп сандаган кишинин үйлөрүн таштап кетүүсүнө жол ачканын айтты.
БУУнун качкындар боюнча агенттигинин өзгөчө кырдаалдар боюнча жетекчиси жана аймактар аралык качкындарды координациялоочу Аяки Ито жума күнү Женевада өткөн маалымат жыйынында: " Бириккен Улуттар Уюмунун Качкындар боюнча Жогорку Комиссарлыгы Жакынкы Чыгышта күчөп бараткан кризисти аймак боюнча тез арада жооп кайтарууну талап кылган чоң гуманитардык өзгөчө кырдаал деп жарыялады", - деди.
Ал ошондой эле акыркы учурдагы кагылышуулардын жана чабуулдардын күчөшү калктын чоң миграциясына алып келгенин, өзгөчө Афганистан менен Пакистандын арасындагы кагылышуулар да миңдеген үй-бүлөнү качууга мажбурлаганын кошумчалады.
Миллиондогон качкын
Ито билдиргендей, жабыркаган аймактарда качкындар, ички жер которгондор же жакында эле чет өлкөдөн кайтып келген качкындар болгон болжол менен 25 миллион адам бар.
Бириккен Улуттар Уюмунун Качкындар боюнча Жогорку Комиссарлыгынын аймакта жабыр тарткан өлкөлөргө жардам жеткирүүгө аракет кылып жатканын айтты.
Ито чек арадан өтүшү керек болгон бардык жарандардын "коопсуздукту табуусу жана коопсуз өтүү үчүн мүмкүнчүлүккө жетиши" өтө маанилүү экенин белгиледи.
Жума күнү Иран менен Ливанда жаңы кол салуулар болду. Израиль болсо жалпы аймакта жана аймак тышында ылдам жайылган Жакынкы Чыгыш согушун жаңы фазага көтөрүүгө убада берди.
