Израиль армиясы дүйшөмбү күнү Газанын түштүгүнө жана түндүгүнө жаңы чабуулдарды баштап, 10-октябрдан бери күчүндө болгон ок атышпоо келишимин дагы бир жолу бузду.

Күбөлөрдүн айтымында, Aнадолу агенттигине Израиль армиясы толугу менен аскердик көзөмөлдөгү сары зонанын ичинде жайгашкан түштүк Рафах шаарына абадан сокку урган.

Көргөн күбөлөр Израилдин аскердик унааларынан Рафахтын түндүгүнө карай башаламан ок атылгандыгын билдиришти.

Күбөлөрдүн айтымында, Израилдин артиллериясы чыгыш Хан Юнуста бир нече жерди тик учактардын коштоосунда бомбалады.

Газанын түндүгүндөгү Чыгыш Жабалия Израилдин тик учактары тарабынан бутага алынды. Ошол эле учурда Газа шаарынын чыгыш аймактары аскердик унаалардан атылган окко дуушар болду.

Үзгүлтүксүз кол салуулар

Жекшемби күнү Израиль күчтөрү ок атышууну токтотуу келишимин бузуп, Газанын бир катар аймактарына абадан сокку уруп, артиллериялык аткылоолорду ишке ашырды.

Хан Юнус шаарында деңиз күчтөрү эки балыкчыны кармап, кайыгын талкалашты, артиллериялык жана абадан сокку уруулар шаардын чыгыш бөлүгүнө, Израилдин оккупациясындагы «сары зонага» туш келди.

Көргөн күбөлөр жана Анадолу агенттигинин булактарынын маалыматы боюнча, кошумча чабуулдар Газа шаарынын түндүктөгү чыгыш аймактарына багытталды.

Газадагы Палестинанын Саламаттыкты сактоо министрлигинин маалыматы боюнча, 10-октябрдан бери аймакта Израилдин ок атышууну токтотуу келишимин бузууларынан 390дон ашык адам каза болуп, 1060тан ашык адам жаракат алган.

2023-жылдын октябрынан бери Израиль ок атышууну токтотууга карабастан Газага жасаган кол салууларында көпчүлүгү аялдар жана балдар болгон болжол менен 70 700 адамды өлтүрүп, 171 100дөн ашык палестиналыкты жарадарк ылды.