АКШнын президенти Дональд Трамп Ирандын АКШнын санкцияларды жоусу тууралуу сурап жатканын билдирди. Бейшемби күнү кечинде Ак үйдө журналисттер менен жолугушкан Трамп: "Иран санкциялардын жоюулушу тууралуу сурады. АКШ Иранга оор санкцияларды киргизген жана бул алардын каалаганын ишке ашыруусун кыйындатып жатат. Мен муну угууга даярмын жана эмне болорун көрөбүз, бирок мен бул идеяга ачыкмын", - деп билдирди.

Нью-Йоркто Ирандын Бириккен Улуттар Уюмундагы миссиясы бул маселе боюнча комментарий берүү өтүнүчүнө азырынча жооп бере элек.

Ирандын диний лидери Аятолла Али Хаменеи дүйшөмбү күнү жасаган билдирүүсүндө, АКШ Израилди колдоону, аскердик базаларды кармап турууну жана Жакынкы Чыгышка кийлигишүүнү улантып, Иран менен АКШнын ортосундагы кызматташуунун мүмкүн эмес экендигин белгилеген.

Трамп январь айында экинчи президенттик мөөнөтүн баштагандан кийин Иранга карата "максималдуу кысым көрсөтүү" кампаниясын кайрадан баштады. Бул кампания Тегерандын өзөктүк куралды иштеп чыгуусуна бөгөт коюуну да камтыйт.

Июнь айында АКШ Ирандын өзөктүк объектилерин бомбалаган.

Иран менен Израилдин ортосундагы 12 күндүк согушка чейин, июнь айында АКШ менен Ирандын ортосунда өзөктүк курал боюнча беш жолу өзөктүк сүйлөшүү өткөрүлгөн, бирок Ирандын уранды байытуу маселеси да болгон бир катар чоң тоскоолдуктар макулдашуунун түзүлүшүнө тоскоол болду.

Батыш державалары Тегеранды уранды байытууну толугу менен токтотууга чакырып, куралдануу коркунучун жоюуну сунушташкан, бирок Иран бул сунушту четке каккан.