Медицина кызматкерлери ишемби күнү Израиль армиясынын Газанын түштүгүндөгү Хан Юнустун чыгышында Бени Сухейла шаарына дрон менен жасаган кол салуусунда бир үй-бүлөдөн эки палестиналык баланы өлтүргөнүн билдиришти.
Насер ооруканасындагы медициналык булактардын билдирүүсүнө ылайык, эки бир туугандын сөөгү Бени Сухейладагы Аль-Фараби мектебинин жакынында богон кол салуудан кийин Хане Юнустагы Насер ооруканасына жеткирилген.
Кол салуунун бутасы болгон аймак 10-октябрда күчүнө кирген ок атышууну токтотуу келишиминин алкагында Израиль тарабынан азыр да көзөмөлгө алынган аймактардын катарына кирет.
Бирок, аймактагы палестиналыктар Израиль армиясы азыр да оккупацияда кармап турган аянттар менен чыгарылган аймактардын ортосундагы бөлүүчү сызыктарды көрсөткөн сары бетон блоктор азырынча жайгаштырылбагандыктан бул аймактарды аныктоодо кыйынчылыкка туш болушууда.
Ишемби күнү эртең менен Израиль армиясы басып алууну улантып жаткан аймактардын ар кайсы бөлүктөрүндө кургактыктан, деңизден жана абадан кол салууларын күчөттү.
Күбөлөрдүн айтымында, Газанын чыгыш тарабы, түндүктөгү Бейт Лахия шаары, Газанын борборундагы аль-Бурайж лагеринин чыгыш жагы, Рафах жана Хан Юнустун чыгышындагы аль-Карара менен Бани Сухейла шаарлары бомбаланды.
2023-жылдын октябрь айынан бери Израиль Газада көпчүлүгү балдар менен аялдар болгон болжол менен 70 000 адамды өлтүрүп, 170 000ден ашуун адамды жарадар кылды.
