Хизбулланын баш катчысы Наим Касым өз тобунун тынчтыкка ачык экенин белгилеп, Израилдин Ливандын түштүгүндөгү оккупациясы токтомоюнча куралдарын таштабай тургандарын жана Израилге каршы чыгууларынан баш тартпай тургандарын баса белгиледи.
Телекөрсөтүүдөгү сөзүндө Касым Хизбулланын куралсыздануусуна карай чакырыктарды четке какты. Анткен менен Ливандын бийликтери акыркы айларда бардык курал-жарактар мамлекеттин көзөмөлүнө алынышы керектигин дагы бир жолу кайталап келишет.
Апрелде Ливандын президенти Жозеф Аун «Хизбулланы» куралсыздандыруу диалог жана тиешелүү саясий шарттарды талап кылат деп билдирген.
Касым Израилдин ок атышпоо келишиминин биринчи этабын аткаруусу керектигин айтып, абадан бузууларды токтотуусу, кол салууларды токтотуусу, Ливан аймагынан толугу менен чегинүү, туткундарды кайтаруу жана кайра куруу процессинин башталышына уруксат берүүсү керектигин айтты. Баш катчы бул шарттар аткарылгандан кийин гана БУУнун Коопсуздук Кеңешинин 1701 резолюциясын ишке ашыруу үчүн кадамдар ташталышы мүмкүн экенин билдирди.
БУУнун Коопсуздук Кеңешинин 2006-жылы кабыл алынган 1701 резолюциясы ок атышууну биротоло токтотууну жана чек араны бойлото демилитаризацияланган буфердик аймакты түзүүнү талап кылат.
айрыкча Америка Кошмо Штаттары баш болгон Эл аралык басым, Ливанга Хизбулланын аскерий канатын жок кылуу үчүн күчөп баратат. Бирок, ишемби күнү Британиянын тышкы иштер министри Дэвид Ламми менен жолугушууда Ливандын президенти Израилдин Ливандын аймагын оккупациялоосу мамлекеттин өз эгемендигин толугу менен камсыздоосун жана курал-жарактарга өзгөчө көзөмөл жүргүзүүнү кыйындатат деп билдирди.
Израиль 2023-жылдын 8-октябрында Ливанга кеңири масштабдуу чабуул жасап, ал 2024-жылдын 23-сентябрында кеңири масштабдуу согушка айланган. Бул кагылышууларда расмий маалыматтарга караганда 4000ден ашуун адам набыт болду жана 17000ден ашууну жарадар болуп, 1,4 миллионго жакыны жер которгон.
Израиль менен Ливандын ортосунда ноябрда кол коюлган ок атышпоо келишимине карабастан, Израиль күчтөрү Хизбулланын иш-аракеттерин бутага алганын айтып, Ливандын түштүгүндө дээрлик күн сайын кол салууларды жасап келүүдө. Бул ок атышпоо Израиль менен Ливан тобунун ортосундагы бир нече айга созулган чек ара кагылышуусуна чекит койду.
Ливан бийликтери келишимге кол коюлгандан бери израилдик 3000ге жакын укук бузууларды, анын ичинде кеминде 225 адам каза болуп, 500дөн ашууну жарадар болгонун кабарлады.
Ок атышууну токтотуу келишимине ылайык, Израиль 26-январга чейин Ливандын түштүгүнөн толугу менен чыгып кетиши керек болчу, бирок Тель-Авив аны аткаруудан баш тарткандыктан бул мөөнөт 18-февралга чейин узартылган. Израиль беш чек ара бекетинде аскердик позициясын кармап турат.
