Ирактын эң чоң парламенттик блогу болгон Координациялык алкак Али аз-Зайдини премьер-министрликке талапкер кылып көрсөттү.
INA мамлекеттик маалымат агенттигинин "Координациялык алкактын" билдирүүсүнө таянып берген кабарында, Багдаддагы өкмөт сарайында "маанилүү" жолугушуу өткөнү жана жолугушуу жери "мамлекеттик институттардын үзгүлтүксүздүгүнүн символу" экендиги белгиленди.
Блоктун лидерлери жыйын учурунда Шиа эл-Судани өкмөтүнүн акыркы үч жарым жылдагы ишмердүүлүгүн жогору баа беришти.
Блок башка талапкерлердин артка чегинүүсү "улуттук кызыкчылыктарга берилгендигин" жана "Координациялык алкакта премьер - министрлик талаптарга жооп берген талапкерди шайлоого мүмкүндүк бергендигин" билдирди.
Ирактын президенттик администрациясы өзүнчө билдирүү жасап, президент Низар Амеди Али аз-Зайдиге жаңы өкмөт түзүү милдетин тапшырганын ырастады.
Судани өкмөттү түзүү шарттарын аткаруу үчүн Али аз-Зейди менен кызматта турган мөөнөтүндө кызматташууга даяр экенин ырастады.
Али аз-Зайди ким?
Багдадда туулган аз-Зайди юриспруденция жана каржы адистиктери боюнча бакалавр даражасына, ошондой эле каржы жана банк иши боюнча магистр даражасына ээ. Аз-Зайдининпремьер-министрликке кеңири академиялык жана административдик тажрыйба алып келери белгиленүүдө.
Улуттук холдинг компаниясын да жетектеген аз-Зайди буга чейин Түштүк банктын директорлор кеңешин жетектеген.
Аз-Зайди кесиптик карьерасында Аль-Шааб университетинин жана “Иштар” медициналык институтунун директорлор кеңешинин төрагасы болуп иштеген.
Аз-Зайди институционалдык реформага, экономикалык туруктуулукка жана жаштардын мүмкүнчүлүктөрүн кеңейтүүгө багытталган көз карашын сунуштап, улуттук ресурстарды Ирак эли үчүн "материалдык жетишкендиктерге" айландырууга убада берди.
Ирак парламентиндеги 329 орундун 130-140на ээлик кылган Координациялык алкак учурда парламенттеги эң чоң блок болуп саналат.
Ирактын конституциясына ылайык, премьер-министрликке талапкер дайындалгандан кийин 30 күндүн ичинде министрлер кабинетин түзүп, парламенттен ишеним добушун алышы керек.
