Пакистандын түндүк - батышында болгон эки башка бомбалуу кол салууда кеминде 7 киши каза болуп, көп сандаган киши жаракат алды.
Чабуулдар ишемби күнү Афганистанга жакын жерде согуш болгон Түндүк Вазиристан аймагына чектеш Хайбер Пахтунхва провинциясынын Банну районунда болду.
Банну коопсуздук директору Ясир Африди жол жээгине жайгаштырылган биринчи бомбанын жүргүнчүлөрдү ташыган бир унаага тийгенин, кол салууда 5 кишинин каза болгонун жана 3 кишинин жаракат алганын айтты.
Экинчи жарылуу аймактын тургундары каза болгондор менен жаралууларды тез жардам унааларына алып бара жаткан учурда болду. Бул жарылууда да кеминде 2 киши каза болду.
Африди жүргүнчүлөр болгон жеке пикап унаанын аралыктан башкарылуучу колдо жасалган жардыргыч зат менен бутага алынганын, жарадарлар ооруканага жеткирилип жатканда экинчи бомба жарылганын белгиледи.
