Түркия-Катар 11- Жогорку стратегиялык комитет жыйынынын алкагында Түркия менен Катар бир катар келишимдерге жана биргелешкен декларацияларга кол коюшту.

Түркия Республикасынын Президенти Режеп Таййип Эрдоган менен Катардын Эмири Шейх Тамим бин Хамад Аль Тани шейшемби күнү Дохада өткөрүлгөн 11-Жогорку стратегиялык комитеттин жыйынына төрагалык кылып, эки өлкөнүн ортосунда түрдүү келишимдерге кол коюлду.

Ага чейин эки лидер жеке жолугушуу өткөрүп, андан соң Эмирлик кеңешинде делегациялар аралык сүйлөшүүлөрдү жүргүзүштү.

«Түркия Республикасы менен Катар Мамлекетинин ортосундагы 11-Жогорку стратегиялык комитет жыйынынын биргелешкен декларациясына» Түркия Республикасынын тышкы иштер министри Хакан Фидан менен Катардын премьер-министри жана тышкы иштер министри шейх Мухаммед бин Абдулрахман Аль Тани кол коюшту.

“Түркия Республикасынын Стратегия жана Бюджет башкармалыгы менен Катар Мамлекетинин өкмөтүнүн ортосунда Стратегиялык өнүгүүнү пландаштыруунун ар кандай чөйрөлөрүндө кызматташуу жана тажрыйба алмашуу боюнча өз ара түшүнүшүү меморандумуна” Түркиянын каржы жана казына министри Мехмет Шимшек, соода министри Өмер Болат жана Катар Улуттук пландоо кеңешинин башкы катчысы Абдулазиз бин Нассер Аль Халифа тарабынан кол коюлду.

«Түркия Республикасынын Соода министрлиги менен Катар Мамлекетинин Соода жана өнөр жай министрлигинин ортосундагы биргелешкен министрлер декларациясына» Түркиянын соода министри Өмер Болат менен Катардын соода жана өнөр жай министри Шейх Фейсал бин Тани Аль Тани кол коюшту.

«Коргоо өнөр жай тармагында кызматташуу боюнча өз ара түшүнүшүү меморандумуна» Түркия Республикасынын Коргоо өнөр жайы башкармалыгынын төрагасы Халук Гөргүн менен Катар мамлекетинин вице-премьер-министри жана коргоо иштери боюнча мамлекеттик министри шейх Сауд бин Абдулрахман бин Хасан бин Али Аль Тани кол коюшту.

Президент Эрдоган Катарга расмий сапарынан кийин шаршемби күнү үч күндүк Перс булуңу сапарынын акыркы аялдамасы Оманга жөнөп кетти.