Түркия Европада бир нече күндөн бери күч алып жаткан токой өрттөрү менен күрөшүү алкагында Испаниядан кийин Францияга да абадан колдоосун көрсөтүүдө.

Айыл чарба жана токой министри Ибрахим Йумаклы социалдык тармактагы баракчасында билдирүү жасап, президент Режеп Таййип Эрдоандын көрсөтмөлөрүнө ылайык мурда Испанияга жөнөтүлгөн эки өрт өчүрүүчү учактан кийин Франциянын жардам талабы боюнча дагы эки өрт өчүрүүчү учак бул өлкөгө жөнөтүлгөнүн маалымдады.

Йумаклы Европада уланып жаткан токой өрттөрү өрттү өчүрүүнүн кыйынчылыгын дагы бир жолу көрсөтүп жатканын айтып, Түркия өзүнүн ресурстары жана тажрыйбасы менен өзүнүн токойлорун коргоо үчүн гана эмес, зарыл болсо, башка өлкөлөрдүн токойлорун коргоо үчүн да жоопкерчиликти алаарын баса белгиледи.

Түркия Испанияга колдоо көрсөткөндөн кийин Франциянын жардам суроо өтүнүчүнө тез жооп бергенин белгилеген Йумаклы сөзүн мындайча жыйынтыктады: "Токойлор бизге аманатка берилген эмес; алар биз келечек муундарга калтыра турган эң баалуу мурас. Бул аң-сезим менен биз чек аралардан ашып өткөн тилектештигибизди жана күрөшүбүздү чечкиндүү түрдө улантабыз".