Уганда полициясы, Уганданын батышындагы трассада бир нече унаанын кагышуусунан кеминде 63 киши каза болгонун кабарлады.
Окуя шаршемби күнү Кампала-Гулу авто жолунда болду. Полициянын билдирүүсүнө ылайык, эки автобус обгон алуу учурунда бетме-бет сүзүштү.
Айдоочулардын бири кагышуудан качууга аракет кылып жатып башка багытка бурулганы, бирок бул «чынжыр реакциясын» жаратканы жана дагы төрт унаа «башкаруусун жоготуп, бир канча жолу оодарылып кеткени айтылды.
«Натыйжада 63 адам, анын ичинде кырсыкка кабылган унаалардын жүргүнчүлөрү каза болду, ошондой эле бир нече адам жаракат алды», – деп билдирди полиция.
Жаракат алгандар Кириандонго ооруканасына жана башка жакынкы медициналык мекемелерге жеткирилгени кабарланып, бирок жаракат алгандардын саны жана абалы тууралуу кошумча маалымат берилген жок.
