Түркиянын статистика институту (TÜİK) ушул жылдын январь-март айларына карата туризм статистикасын жарыялады.

Бул статистикага ылайык, туризмден түшкөн киреше өткөн жылдын ушул эле чейрегине салыштырмалуу 4,2 пайызга өсүп, 9 миллиард 896 миллион 456 миң долларды түздү. Бул кирешенин 9 миллиард 694 миллин 574 миң доллары коноктордон, ал эми 201 миллион 883 миң доллары транзиттик жүргүнчүлөрдөн түшкөнү катталды.

Туризмден түшкөн кирешенин 25,6 пайызы чет өлкөдө жашаган түрк жарандарынын өлкөгө келишинен түшкөн.

Коноктор саякаттарын жеке же пакеттик тур менен уюштурушту. Бул чейректе жасалган чыгымдардын 8 миллиард 469 миллион 691 миң долларын жеке чыгымдар, ал эми 1 миллиард 224 миллион 883 миң долларын пакеттик тур чыгымдары түздү.

Бул чейректе коноктордун орточо күнүмдүк чыгымдары 102 долларды түзгөн. Чет өлкөдө жашаган түрк жарандарынын орточо күнүмдүк чыгымдары 72 долларды түзгөн.

Саякатчылардын 55,3 пайызы "саякаттоо, көңүл ачуу, спорттук жана маданий иш-чаралар", 26,8 пайызы "тууган-туушкандары менен досторуна баруу", 8,2 пайызы "соода кылуу" максатында Түркияга келишкен.

Ошол эле мезгилде чет өлкөгө барган түрк жарандарынын саны өткөн жылга салыштырмалуу 13,пайызга өсүп, 2 936 279 адамга жеткен, орточо эсеп менен бир адамга 758 доллар сарпталган.