Түркия эң күчтүү салттуу учак бомбасы GAZAPты таанытты. 2000 фунт (970 кг) салмагындагы бомба Стамбулда өткөн Эл аралык коргонуу өнөр жай жарманкесинде (IDEF 2025) көрсөтүлдү.
Дагы күчтүү таасир берүү үчүн GAZAP бутада кичинекей бөлүкчөлөргө бөлүнүү менен жайылат. Анадолу агенттигине маалымат берген бир эксперттин билдиргенине караганда бөлүкчөлөрдүн тыгыздыгы окшош ок-дарылардан үч эсе көп.
Жарылуу күчү менен бул бомба өтө кыйратуучу мүмкүнчүлүккө ээ жана F-16 согуштук учагынан ташталат. Жардыргыч заттын жана толтургучтун долбоору Улуттук Коргоо министрлигинин илимий-изилдөө борбору тарабынан иштелип чыккан. Бардык квалификация жана сертификация процесстери аяктаганы кабарланды.
NEB-2 “Hayalet”: "Бункерлерди талкалоодо эң мыкты"
IDEF -25 жарманкесинин алкагында Түркия 2000 фунттук NEB-2 "Hayalet" бомбасын көрсөттү. Кээ бир жетекчилер бул ок-дарыны "талаадагы эң эффективдүү бункер кыйратуучу" деп сыпатташты.
Тааныткан топ: "АКШда жасалган типтүү бомбалар C35 классындагы бетонду 2,4 метр тереңдикке чейин тешип өтсө, NEB-84 C50 классындагы бетонго 7 метрге чейин кире алат, бул болжол менен үч эсе бышык",- деп билдиришти.
Эл аралык коргонуу өнөр жай жарманкеси Түркия Республикасынын Коргоо өнөр жайынын башкармалыгы менен Түрк куралдуу күчтөрү фондунун колдоосу менен уюштурулууда.
