Түркиядагы улуттук сарайлар чоң кызыгуу жаратууда...
Улуттук сарайларды кыдыргандардын саны 2024-жылы өткөн жылга салыштырмалуу 20 пайызга өсүп, 7 миллион 261 миң 241ден 8 миллион 709 миң 27ге жетти.
Тарыхый мурастын алдыңкы структураларынан Стамбулдагы Топкапы сарайы 4 миллион 683 миң 250 кишини, Долмабахче сарайы 1 миллион 384 миң 383 кишини кабыл алды.
Президент Режеп Таййип Эрдоган тарабынан 2024-жылдын 19-июлунда коомчулукка тааныштырылган Йылдыз сарайы ачылган күндөн бери 447 миң 586 кишини кабыл алды.
Жай айларында бакчасы жана жээги кеч сааттарга чейин ачык болгон Анадолу тарабындагы Бейлербейи сарайына 649 миң 460 турист келди. 203 миң 133 кишинин саякат багыттарынын арасында Күчүксу Касры да болду.
Искусство сүйүүчүлөрүнүн алмаштыргыс даректеринин бири болгон Улуттук Сарайлар Сүрөт музейине келген кишилердин саны 512 миң 674кө жетти. Музей өзүнүн бай коллекциясы, бакчасы жана атмосферасы менен өзгөчөлөндү.
Республика тарыхынын көрүнүктүү курулуштарынын бири болгон Анкара сарайы эшигин келгендерге ачкан 2024-жылдын 21-февралынан бери 188 миң 471 кишини кабыл алды. Айнек өнөрүнүн сейрек кездешүүчү эмгектери коюлган Бейкоз айнек жана хрустал музейи 175 миң 480 саякатчыны кабыл алды.
