Парламенттин Жалпы кеңеши түрк куралдуу күчтөрүнүн Аден булуңу, Сомалинин аймактык суулары жана Араб деңизиндеги миссиясын дагы 2 жылга узартуу боюнча токтомду кароо үчүн чогулду.

Президенттиктик жарлыкта түрк аскерлеринин Бириккен Улуттар Уюмунун жана НАТОнун алкагында кызмат кылып жатканы баса белгиленди.

Жарлыкта өзгөчө Сомали тарап деңиз аймактарынын коопсуздугун камсыздоо үчүн Түркиядан жардам сураганына көңүл бурулган. Ошондой эле аймактагы Түркияга таандык кемелердин коопсуздугун камсыз кылуу, деңиз каракчылары, куралдуу тоноочулар жана деңиз терроризми менен натыйжалуу күрөшүүдө Түркиянын ролу маанилүү экени белгиленди.

Жалпы кеңеште саясий партиялардын өкүлдөрү сөз сүйлөгөндөн кийин Президенттиктин жарлыгы добуш берүү менен бекитилди.