АКШнын Сирия боюнча атайын өкүлү жана Анкарадагы элчиси Том Баррак Сирия менен Израилдин расмий өкүлдөрүнүн Париждеги жолугушуусунда Сириянын түштүгүндөгү акыркы зомбулуктан кийин диалог жана чыңалууну азайтууга карай жылыш болгонун билдирди.

X платформасында кыскача билдирүү жасаган Барак: "Бүгүн кечинде Парижде Сирия жана Израилдин расмий өкүлдөрү менен жолугуштук. Максатыбыз диалогду жана чыңалууну басаңдатуу болчу жана биз муну аткардык. Тараптар бул аракеттерди улантуудагы чечкиндүүлүктөрүн кайталашты",-деди.

Сирия менен Израилден азырынча расмий билдирүү келе элек.

Бирок, медиа маалыматтарына ылайык, Израилдин стратегиялык иштер боюнча министри Рон Дермер жана Сириянын тышкы иштер министри Асад аль-Шайбанинин сүйлөшүүлөргө катышуусунун күтүлүп жаткандыгы билдирилди.

Сүвейдадагы өлүмгө алып келген баш аламандыктар

АКШнын Мамлекеттик департаментинин басма сөз катчысынын орун басары Томми Пиготт Париждеги жолугушуусунан мурун атайын өкүл Баррак жана тышкы иштер министри Марко Рубионун көптөгөн күндөрдөн бери тараптар менен байланышты экендигин пресс жыйында ырастады.

“Сирия маанилүү бурулуш жеринде турат жана биз бул кадамдарда Сирия өкмөтүнүн жетекчилик кылышын күтүп жатабыз”,- деди.

Сирия менен Израилдин ортосундагы чыңалуу 13-июлда өлкөнүн түштүгүндөгү Сүвейда провинциясында бедуин араб уруулары менен друз топторунун ортосунда чыккан кагылышуу менен күч алды.

Зомбулук ылдам жайылып, Израиль Дамаск да болгон Сириядагы аскердик объектилерге жана инфраструктурага сокку урду.

Израиль кол салуулардын друз жамааттарын коргоону максат кылганын айтса да Сириядагы друз лидерлери чет элдик кийлигишүүнү ачык түрдө четке кагышты.

Тараптардын ортосунда ишемби күнү ок атышпоо келишими түзүлгөн.