Оппозициялык партиянын айтымында, шаршемби күндөн бери Танзаниядагы шайлоо нааразычылык акцияларында 700гө жакын адам каза болду. Өлкөдө интернет үзгүлтүккө учурап, митингге чыккандар азыр да көчөлөрдө.
Президент Самия Сулуху Хассан негизги атаандаштары камакта же шайлоого катышууга тыюу салынган шартта, дээрлик атаандашсыз өткөн шайлоодо өз позициясын бекемдөөгө аракет кылган.
Шаршемби күнкү шайлоо башаламандыкка айланып, Дар-эс-Саламда жана башка шаарларда көп сандаган эл көчөгө чыкты. Демонстранттар Хасандын плакаттарын айрып, полицияга жана шайлоо участокторуна кол салышты, бул интернеттин өчүрүлүшүнө жана коменданттык сааттын башталышына алып келди.
Чет элдик журналисттердин шайлоону кеңири чагылдыра албашы жана байланыштын өчүрүлүшү үчүнчү күнгө киришинен улам ал жерден келген маалыматтар чектелүү бойдон калды.
Бирок шайлоого катышууга тыюу салынган негизги оппозициялык партия Чадема жума күнү Дар-эс-Салам шаар борборуна карай багыт алган митингчилердин күчтүү полиция жана армия менен беттешкендигин билдирди.
"Дар-эс-Саламда каза болгондордун саны учурда 350гө жакын, ал эми Мванзада 200дөн ашык. Өлкөнүн башка аймактарындагы сандар менен кошкондо, жалпы саны 700гө жакын", - деди Чадеманын өкүлү Жон Китока AFP агенттигине.
“Азыркы учурда Дар-эс-Саламда каза болгондордун саны 350гө жакын, ал эми Мванзада 200дөн ашык. Өлкөнүн башка аймактарындагы сандарды кошкондо, жалпы көрсөткүч 700гө жакын”, - деп билдирди Чадема партиясынын өкүлү Жон Китока AFP агенттигине.
Китока:“Каза болгондордун саны мындан да жогору болушу мүмкүн”, - деп кошумчалады жана коменданттык саат учурунда да өлүмдөрдүн болушу мүмкүн экенин белгиледи.
Бир коопсуздук булагы AFPге :"500дөн ашык, балким өлкө боюнча 700-800 сөөктүн бар экендигин угуп жатабыз",- деди.
Бир нече оорукана жана саламаттыкты сактоо борборлору AFP менен түз байланыштан коркуп жатат. Жергиликтүү маалымат сайттары шаршембиден бери жаңыртылган эмес, ал эми Хассан башаламандыктар боюнча комментарий берген жок.
Бейшемби күнү кечинде армиянын башчысы Джейкоб Мкундадан жалгыз расмий билдирүү келди. Мкунда нааразычылык акциясынын катышуучуларын "кылмышкерлер" деп мүнөздөдү.
Занзибар 'уурдалды'
Бейшемби күнү туристтик жай болгон Занзибарда Хасандын башкаруучу партиясы жергиликтүү шайлоонун жеңүүчүсү деп жарыяланды. Оппозициялык ACT-Wazalendo партиясы жыйынтыкты четке кагып, "Занзибар элинин үнү уурдалды... Адилеттүүлүктү камсыз кылуунун бирден-бир жолу - жаңы шайлоо" деп билдирди.
Башкаруучу партия (Чама Ча Мапиндузи: CCM) ошол эле күнү пресс-конференция өткөрүүнү пландаган.
Кысым
Аналитиктердин айтымында, Хассан 2021-жылы Жон Магуфулинин өлүмүнөн кийин бийликке келгенден бери армиянын айрым бөлүктөрү жана анын мурунку өнөктөштөрү тарабынан каршылыкка туш болгон.
Алардын айтымында, ал өз позициясын бекемдөө үчүн ишенимдүү жеңишке жетүүнү каалаган жана бийлик негизги оппозициялык партия Чадемага тыюу салганын жана лидерине чыккынчылык боюнча сот ишин ачкан.
ACT-Wazalendo партиясына Занзибарда жергиликтүү шайлоого катышууга уруксат берилген, бирок анын талапкери Хассанга каршы негизги шайлоого катышууга тыюу салынган.
